सुर्खेत। निजी तथा आवासीय विद्यालय अर्गनाइजेसन कर्णाली प्रदेश कार्यसमितिले एसओएस हर्मन माइनर विद्यालय सुर्खेतलाई सम्मान गरेको छ ।
शैक्षिक, खेलकुद तथा अतिरिक्त क्रियाकलापमा उत्कृष्ट कार्य गरेको भन्दै एसओएसलाई प्याब्सनले सम्मान गरेको हो । प्याब्सनका राष्ट्रिय अध्यक्ष डिके ढुंगानाले एसओएस विद्यालयका प्राचार्य हरिहर बस्नेतलाई आइतबार वीरेन्द्रनगरमा आयोजित कार्यक्रममा सम्मान गरेका हुन् ।
एसओएसले चालू शैक्षिकसत्रमा राष्ट्रपति रनिङ शिल्ड, मेयर कप, जिल्लास्तरीय फुटवल प्रतियोगीताका साथै तीन प्रदेश सहभागी राष्ट्रिय सेवा दलमा सर्वोत्कृष्ट भएको थियो ।
