काठमाडौं । ललितपुरको बालकुमारीमा भएको आन्दाेलनमा मृत्यु हुनेकाे संख्या २ पुगेकाे छ। आन्दाेलनमा गम्भीर घाइते भएर उपचारका लागि अस्पताल पुर्याइएका वीरेन्द्र शाहको पनि मृत्यु भएको नेपाल प्रहरीका प्रवक्ता कुवेर कडायतले जानकारी दिए।
यसअघि प्रदर्शनको क्रममा २३ वर्षीय सुजन राउतको मृत्यु भएको थियो ।
उनहरू आन्दाेलनकारी हुन या हाेइनन् भन्ने पुष्टी हुन बाँकी छ ।
कोरिया जानका लागि रोजगार अनुमति प्रणाली (ईपीएस) परीक्षामा फारम नै भर्न नपाएको भन्दै शुक्रबार बिहान प्रदर्शन गरेका थिए ।
आन्दाेलनका क्रममा प्रहरी र प्रदर्शनकारी बीच झडप भएकाे थियाे।
उनिहरूले मन्त्री सवार गाडी समेत जलाइदिएका थिए ।
प्रदर्शनलाई नियन्त्रणमा लिन प्रहरीले सुरुमा अश्रुग्याँस हानेको थियो । स्थिति साम्य हुने स्थिति नदेखिएको भन्दै हवाई फायर समेत गरेको थियो ।