सुर्खेत । सल्यानमा जीप दुर्घटना हुँदा दुई जनाको मृत्यु भएको छ । रोल्पाबाट दाङको तुलसीपुर जाँदै गरेको रा १ च १०२५ नम्बरको तरकारी बोकेको जीप दुर्घटना हुँदा दुई जनाको घटना स्थलमै मृत्यु भएको जिल्ला प्रहरी कार्यालय सल्यानले जनाएको छ ।
सोमबार बिहान सवा ६ बजेतिर सल्यान कपुरकोट गाउँपालिका–३ चोरखोला नजिक सेतापैरामा जीप दुर्घटना भएको हो । प्रहरीका अनुसार मृतकको पहिचान हुन सकेको छैन । उक्त दुर्घटनामा तीन जना घाइते भएका छन् । घाइतेमध्ये एक जनाको अवस्था गम्भीर रहेको र उपचारको लागि दाङ रिफर गरिएको छ ।
जीप सडकबाट साढे तीन सय मिटर तल खसेको प्रहरीले जनाएको छ ।