काठमाडाैं। नेपाली राष्ट्रिय क्रिकेट टिमको प्रमुख प्रशिक्षकबाट राजीनामा घोषणा गरेको दुई घन्टा नबित्दै पुबुदु दसानायके क्यानडाको प्रशिक्षक नियुक्त भएका छन्।
उनलाई प्रशिक्षक नियुक्त गरेको जानकारी क्रिकेट क्यानडाले सामाजिक सञ्जालबाट दिएको छ। उनी दोस्रो पटक क्यानडको प्रशिक्षक नियक्त भएका हुन्। श्रीलंकाको राष्ट्रिय टिमबाट खेलेका पुबुदु अहिले क्यानडाका नागरिक हुन्।
यसअघि पुबुदुले बुधबार दिउँस ३ बजे राजधानीमा आकस्मिक पत्रकार सम्मेलन गर्दै राजीनामा दिएका थिए।
अघिल्लो वर्षको मंसिर २५ गते मात्र दोस्रो कार्यकालका लागि नेपालको प्रमुख प्रशिक्षक नियुक्त भएका दासानायकेले एक वर्ष नपुग्दै पद त्यागेका हुन्।
टोलीको खराब नतिजाको कारण पछिल्लो समय दबाबमा रहेका उनले व्यक्तिगत कारण देखाउँदै राजीनामा दिएको बताएका थिए। तर दुई घन्टा बित्न नपाउँदै उनी क्यानडाको प्रशिक्षक नियुक्त भएको सार्वजनिक भयो।
यद्यपी उनले एक साताअघि आफूले राजीनामा दिएको बताएका छन्। ५२ वर्षीय पुबुदु यसअघि सन् २०११ मा नेपालको प्रशिक्षक नियुक्त भएका थिए।