हुम्ला । हुम्लाको अदानचुली गाउँपालिकामा जीप दुर्घटना हुँदा दुई जनाको मृत्यु भएको छ । शनिबार श्रीनगरबाट बारीगाउँ जाँदै गरेको सु ००१ ज ११८३ नम्बरको बोलेरो जीप दुर्घटनामा परेको हो।
दुर्घटनामा परी ५जना घाइते भएका छन् । जिल्ला प्रहरी प्रमुख डिएसपी रविन्द्र खनालका अनुसार मृत्यु हुनेमा अदानचुली गाउँपालिका-५ का अन्दाजी ३५ वर्षीय फागुने लोहार र सोही वडाका १३ वर्षीय प्रवेश ऐडी रहेका छन्।
दुर्घटनामा परी घाइते हुनेहरुको विवरण सार्वजनिक हुन बाँकी छ।
दुर्घटनाको बारेमा विस्तृत विवरण आउने क्रम रहेको डिएसपी खनालले जानकारी दिए ।