सुर्खेत । जाजरकोटको भेरी नगरपालिकामा सयौंको संख्या मानिसहरु घाइते भएको बताइएको छ । भेरी नगरपालिका प्रमुख चन्द्रप्रकाश घर्तीका अनुसार शुक्रबार राती ११ः४७ मा गएकाे भुकम्पबाट धेरैजसो घरहरुमा क्षती भएको छ भने घाइतेहरुको उद्दार कार्य भईरहेको छ ।
‘सयौंको संख्यामा घाइते भएको प्रारम्भिक विवरण लिएका छौं । थप विवरण संकलन हुँदैछ । घाइतेको उद्दारका लागि खटिरहेका छौं ।’ नगरप्रमुख घर्तीले भने, ‘मानिस मृत्युको विवरण अहिलेसम्म प्राप्त भएको छैन । घाइतेको अवस्था हेर्दा केही मृत्यु भएको हुनसक्ने अनुमान गर्न सकिन्छ ।’
उनका अनुसार त्यहाँका नागरिक अहिले त्रासमा छन् । सबै घरबाहिर निस्किएका छन् । कैदीबन्दीलाई समेत बाहिर राखिएको छ ।