सुर्खेत। जुम्ला प्रतिनिधिसभा सदस्यमा राप्रपाका ज्ञानबहादुर शाही फराकिलो मतान्तरले विजयी भएका छन्। शाहीले २२ हजार ८१९ मत ल्याएर विजयी भएका हुन्।
सत्ता गठवन्धनका तर्फबाट नेकपा माओवादीका केन्द्रकी गोमा गौतम कुँवरलाई १० हजार ८६० मतान्तरले पराजित गर्दै ज्ञानबहादुर शाही बिजय भएका हुन्। गोमा गौतम कुँवरले ११ हजार ९५९ मत प्राप्त गरेकी छन्।
जुम्लाको संसदीय निर्वाचनको ईतिहासमा २०४८ सालमा नेपाल मजदुर किसान पार्टीबाट डिल्लीबहादुर महत, २०५१ सालमा नेमकिपाबाटै भक्तबहादुर रोकाया, वि.सं २०५६ सालमा नेकपा एमालेका देविलाल थापा, वि.सं २०६४ सालमा नेकपा माओवादीका नरेश भण्डारी, २०७० सालमा नेपाली कांग्रेसका ललितजंग शाही, २०७४ सालमा नेकपा माओवादीका गजेन्द्रबहादुर महतले विजय हासिल गरेका थिए।