मधेस । जनकपुरधामबाट वीरगन्ज जाँदै गरेको ना ४ ख ७१९४ नम्बरको यात्रुबस बाराको जितपुरसिमरा उपमहानगरपालिका– १६ मा पर्ने पसाहा पुलनजिक दुर्घटना भएको छ।
बस ओभर टेक गर्ने क्रममा सडकको साइडमा पल्टिएको जिल्ला प्रहरी कार्यालय बाराले जनाएको छ। प्रहरीका अनुसार दुर्घटना परी १४ जना यात्रु घाइते भएका छन्। घाइतेहरूको उद्धार गरी सिमरा अस्पतालमा पठाइएकोमा उपचार भईरहेको छ।
घाइतेहरूको उद्धार नेपाल प्रहरी, सशस्त्र प्रहरी तथा स्थानीयहरुले गरेको बताइएको छ। घाइतेहरुको अवस्था सामान्य रहेको प्रहरीले जनाएको छ। बस चालक फरार रहेको र उनको खोजिकार्य भईरहेको प्रहरीले जनाएको छ।