सुर्खेत । वीरेन्द्रनगरमा मोटरसाइकलले स्कुटरलाई ठक्कर दिँदा एक जनाको मृत्यु भएको छ । मृत्यु हुनेमा मोटरसाइकल चालक वीरेन्द्रनगर नगरपालिका–१२ बस्ने वर्ष ४१ का धर्मराज सापकोटा रहेका छन् ।
घाइते सापकोटालाई उपचारका लागि प्रदेश अस्पताल कालागाउँ सुर्खेतमा लगिएको थियो । उनको उपचारका क्रममा मृत्यु भएको जिल्ला प्रहरी कार्यालय सुर्खेतले जनाएको छ ।
मङ्गलवार राति वीरेन्द्रनगर नगरपालिका–११ पिपिरा चोक स्थित धुलीयाबिटबाट बजार तर्फ आउँदै गरेको भे ७ प ७७४६ नम्बरको मोटरसाइकलले पिपिरा चोकमा रोकिराखेको कर्णाली प्रदेश ०२०० प ४००४ नम्बरको स्कुटरलाई ठक्कर दिँदा मोटरसाइकल चालक सापकोटा गम्भीर घाइते भएका थिए ।