कोशी। कोशी प्रदेशका मुख्यमन्त्री उद्धव थापाले आजै विश्वासको मत लिने प्रयोजनका लागि प्रस्ताव पेश गर्दैछन्। त्यसका लागि प्रदेश सभाको बैठक सुरु भइसकेको छ ।
सोमबारको यस बैठकमा मुख्यमन्त्री थापाद्वारा पेस भएको विश्वासको मत लिने प्रस्तावमाथि छलफल सुरू भएको छ ।
उपसभामुख सिर्जना दनुवारसहित अध्यक्षमण्डलका सदस्यद्वय एमालेकी मालती सुब्बा लिम्बू र अमरबहादुर बिष्ट अनुपस्थित भएपछि अध्यक्षमण्डलका सदस्य इसराइल मन्सुरीको अध्यक्षतामा प्रदेशसभा बैठक बसेको हो ।
उपसभामुख दनुवार भने मन्सुरीलाई नै बैठक सञ्चालनको अधिकार दिएर काठमाडौं प्रस्थान गरेकी हुन् ।
उपसभामुख दनुवार अनुपस्थित भएको विषयलाई लिएर सत्तारूढ गठबन्धन दल माओवादीका नेता इन्द्रबहादुर आङ्बो लगायत सत्ता गठबन्धन दलका नेताहरूले आपत्ति जनाएका थिए।
बैठककाे प्रत्यक्ष प्रसारण हेर्नुहाेस्ः