सुर्खेत। साहित्यकार समेत रहेका डा. नवराज केसीलाई उत्तम शान्ति पुरस्कार प्रदान गरिने भएको छ।
उत्तम कुँवर स्मारक पुरस्कार गुठीले केसीलाई पुरस्कार प्रदान गर्ने निर्णय गरिएको विज्ञप्ती मार्फत जानकारी गराइएको छ।
डा. केसी द्वारा लेखिएको ‘शून्यको मूल्य’ नामक कृतिबाट अँध्यारो समाजलाई उज्यालोतर्फ उन्मुख गराउने सन्देशसहित कर्णालीका आमाहरुको दुःखपीडा, साहस र संघर्षलाई अत्यन्त मार्मिक, यथार्थपरक र आख्यानात्मक शैलीमा प्रस्तुत गरिएको विज्ञप्तिमा जनाइएको छ।
केसीलाई ताम्रपत्र र नगद राशी एक लाख रुपैयाँ सहितको “उत्तमशान्ति पुरस्कार” समर्पण गरिएको हो।
उत्तम कुँवर स्मारक पुरस्कार गुठीले वि.सं २०४४ सालदेखि निबन्ध, यात्रासंस्मरण, जीवनी, आत्मकथा, अन्तर्वार्ता लगायतका आख्यानमुक्त गद्य विधामा रचना गरिएका उत्कृष्ट नेपाली कृतिहरूलाई वर्षेनी ’उत्तमशान्ति पुरस्कार’द्वारा सम्मानित गर्दै आएको छ ।