दैलेख । ट्याक्टर दुर्घटना हुँदा दैलेखमा एक जनाको मृत्यु भएको छ । दैलेखको नौमुले गाउँपालिका –३ द्वारीका २८ वर्षीय शशिराम पुन मगरको मृत्यु भएको जिल्ला प्रहरीका कार्यालय दैलेखले जनाएको छ । नौमुलेको गेरुपानीबाट कालीकोट तर्फ जाँदै गरेको भित्री सडक खण्डको भीरबाट शनिबार ट्याक्टर दुर्घटना भएको हो ।
ना ७ त ४४७७ नम्बर ट्याक्टर भीरबाट अन्दाजी दुई सय मिटर तल खसेको प्रहरीले जनाएको छ । प्रहरीका अनुसार मृत्यु हुनेमा ट्याक्टर चालक रहेका छन् ।
मृतक पुनमगरको शव पोष्टमार्टमका लागि जिल्ला अस्पताल दैलेखमा राखिएको जनाइएको छ ।