सुर्खेत । दैलेखमा आगलागीमा परी एक जना राउटे युवक घाइते भएका छन् । अन्दाजी ३४ वर्षीय नारायण शाही जलेर घाइते भएका हुन् ।
प्रहरीका अनुसार मंगलबार राति सुतेकै बेला ओढेको कम्बलमा आगो सल्किएको हाे । राति दाउरा बालेरै सुतेको र त्यही आगो कम्बलमा सल्किएको बताइएको छ ।
उनलाई बुधबार बिहान १० बजे उद्धार गरी उपचारका लागि जिल्ला अस्पताल लगिएको छ ।
अहिले नारायण नगरपालिका-८ लोहोरेनजिकै जंगलमा राउटे बस्ती रहेकाे छ ।