सुदुरपश्चिम। अछामको तुर्माखाँद गाउँपालिका-२ स्थित भुलुमा पहिरोले घर पुरिँदा एकै परिवारका तीन जनाको मृत्यु भएको छ। गए राति स्थानीय अमर विष्टको घर पहिरोले पुरिएको हो।
जिल्ला प्रहरी कार्यालय अछामका अनुसार पहिरोले घर पुरिँदा तीन जनाको मृत्यु भएको छ भने एक जना घाइतेको उद्धार गरिएको छ।
उनीहरू एकै घरपरिवारका करिब ४५ वर्षीया हरिकला विष्ट, २५ वर्षका वीरेन्द्र विष्ट र १५ वर्षका संविधान विष्टको पहिरोले घर पुरिँदा मृत्यु भएको हो ।
६५ वर्षीया नैना विष्ट गम्भीर घाइते भएकी छन्। उनको स्थानीय स्वास्थ्य संस्थामा उपचार गरिएको छ।
पहिरोले घर पुरिँदा ८ बाख्रा पनि मरेका छन्।