सुर्खेत । जाजरकोटको शिवालयमा बोलेरो जीप दुर्घटना भएको छ । शिवालय गाउँपालिका वडा नं.–३ गैरीबजारदेखि शिवालय–२ नेपातर्फ जाँदै गरेको कर्णाली प्रदेश ०२००१ च ०३५० नम्बरको जीप बुधवार दिउँसो करिव २ बजेको समयमा पालिका नजिकै दुर्घटना भएको हो ।
दुर्घटनामा परेर शिवालय–२ बस्ने सिता बस्नेत सामान्य घाइते भएको इलाका प्रहरी कार्यालय सिमाले जनाएको छ । जीप ब्रेकफेल भएर दुर्घटनामा परेको प्रहरीको भनाइ छ । जीप चालक हस्त बहादुर बुढा प्रहरीको नियन्त्रणमा रहेका छन् ।