सुर्खेत। सुर्खेतको वीरेन्द्रनगर–१० स्थित बसपार्कबाट लागुऔषधसहित एक जना पक्राउ परेका छन् । पक्राउ पर्नेमा वीरेन्द्रनगर–६ बस्ने २५ वर्षीय कासन्दिप सुनार रहेका छन् । उनलाई सोमबार राति लागुऔषध ब्युरो शाखा कार्यालय सुर्खेतबाट खटिएको प्रहरी टोलीले पक्राउ गरेको हो ।
सुनारलाई शंकास्पदरुपमा फेला पारी शरीर खानतलासी गर्दा उनको साथबाट ८ सय ६० मिलिग्राम लागुऔषध ब्राउनसगुर जस्तो देखिने धुलो पदार्थ बरामद भएको प्रहरीले जनाएको छ । हाल उनलाई नियन्त्रणमा लिइ अनुसन्धान भइरहको जिल्ला प्रहरी कार्यालय सुर्खेतका प्रहरी नायव उपरीक्षक डीएसपी लक्ष्मणबहादुर शाहीले जानकारी दिए