कैलाली। ट्याक्टरको ठक्करबाट एक बालिकाको मृत्यु भएको छ । कैलालीको धनगढी उपमहानगरपालिका –५ मा पाँच वर्षीया शान्ति भट्टको ट्याक्टरको ठक्करबाट मृत्यु भएको हो ।
जिल्ला प्रहरी कार्यालय कैलालीका प्रवक्ता कुलदिप चन्दले भगवती टोलका दिवाकर भट्टकी ५ वर्षीया छोरी शान्तिलाई बिहीबार ट्याक्टरले ठक्कर दिएको जानकारी दिए । हसनपुर–स्याउले सडकखण्डमा से १ त ६२०४ नम्बरको ट्याक्टरले ठक्कर दिंदा बालिकाको मृत्यु भएको र उनको उपचारको क्रममा धनगढीको निसर्ग अस्पतालमा मृत्यु भएको चन्दले बताए ।
अहिले बालिकाको शव सेती अस्पतालको शवगृहमा राखिएको छ । ट्याक्टर र ट्याक्टर चालक भजनी नगरपालिका –६ का ३५ वर्षीय रामजनम चौधरी प्रहरीको नियन्त्रणमा रहेको र दर्घटनाबारे थप अनुसन्धान भइरहेको डिएसपी चन्दले बताए ।