सुर्खेत । सुर्खेतकाे वीरेन्द्रनगर नगरपालिका–७ ईत्राम खोला नजिकै रहेको शिव सुन्दर स–मिलमा भएको आगलागी नियन्त्रणमा आएको छ ।
जिल्ला प्रहरी कार्यालय सुर्खेतमा डीएसपी लक्ष्मणबहादुर शाहीले करिब १ घन्टापछि आगो नियन्त्रणमा आएको पुष्टि गरेका हुन् । उनले भने, ‘विद्युत् सर्ट भएका कारण आगो लागेको हुन सक्ने अनुमान गरेका छौँ । अहिले आगो नियन्त्रणमा आइसकेको छ । तर के कति क्षति भयो भनेर मुचुल्का निकाल्ने काम भइरहेको छ । मानवीय क्षति भने केहि भएको छैन।’
आज बिहान ६ बजेदेखि आगाे नियन्त्रणमा लिन नेपाली सेना, नेपाल प्रहरी, सशस्त्र प्रहरी बलसहित ४ वटा दमकलको सहायताले आगो नियन्त्रण लिइएको हो ।मिलमा भिषण आगलागि हुँदा करोडौंको क्षति भएको अनुमान गरिएको छ ।