सुर्खेत । हुम्लामा बोलेरो जिप दुर्घटना हुँदा दुई वडा अध्यक्ष सहित नौ जना घाइते भएका छन् । घाइते हुनेमा सिमकोट गाउँपालिका– २ का वडाध्यक्ष देवजग बोहोरा, वडा नम्बर-३ का वडाध्यक्ष पामा लामा, सिमकोट गाउँपालिका– २ का ध्रुवबहादुर शाही, मालती भण्डारी, योजना ऐडी, मुटुब लामा, बासबहादुर भण्डारी, गाडीचालक बालक सन्देश भण्डारी रहेका छन ।
घाइतेहरुको जिल्ला अस्पतालमा उपचार हुन नसक्ने भएपछि जिल्लाबाहिर लैजानका लागि हेलिकोप्टरको तयारी भइरहेको गाउँपालिका अध्यक्ष विजय भण्डारीले जानकारी दिए ।
आइतबार बिहान ११ बजे सदरमुकामबाट सिमकोट गाउँपालिका– २ ठेहे जाँदै गरेको बा २१ च ७३५३ नम्बरको बोलेरो जिप सिमकोट गाउँपालिकास्थित मानसरोवर विद्यालयनजिकै दुर्घटनामा परेको हो । जिप सडकभन्दा दुई सय मिटर तल खसेको प्रहरीले जनाएको छ ।