कोशी । धनकुटा नगरपालिका-१ सुकेपोखरीनजिक शुक्रबार यात्रुबाहक बस र दुध बोक्ने टयांकर एकापसमा जुध्दा १२ यात्रु घाइते भएका छन् ।

धरानबाट संखुवासभाको धर्मदेवी नगरपालिकाको आँखीभुईंतर्फ जाँदै गरेको बा २ ख ७२४७ नम्बरको बस र विपरीत दिशाबाट धनकुटातर्फ आउँदै गरेको को १ च १५३१ नम्बरको दुध बोक्ने ट्यांकर एकापसमा बिहान करिब पौने १२ बजे ठोक्किएर दुर्घटना भएको प्रहरीले जनाएको छ ।

घाइते हुनेहरुमा संखुवासभाको धर्मदेवी-३ का संगीता पौडेल, मनमाया वसेल, अनोज कार्की, मोरङ बेलबारी-२ का मानबहादुर विश्वकर्मा, धर्मदेवी-९ का काजीबहादुर कार्की, सोहि पालिका-६का मेनुका पौडेल, विष्णु श्रेष्ठ, सुनसरीको इटहरीका दुर्गा कार्की रहेका छन् ।

यस्तै, धनकुटा छथरजारेपाटीका आरोही विश्वकर्मा, तेह्रथुमको लालिगुराँस-८ का कल्पना विश्वकर्मा, संखुवासभा धर्मदेवी-९ का देवी परियार र धर्मदेवी-६ का निराजन बस्नेत रहेको जनाईएको छ । घाइतेहरुको धनकुटा जिल्ला अस्पतालमा उपचार भइरहेको छ । घाइते सबैको अवस्था सामान्य रहेको जिल्ला प्रहरी प्रमुख श्यामसिं चौधरीले जानकारी दिए । घाइते अधिकांशको अनुहार, हात र खुट्टामा चोट लागेको छ ।

बसले धरानबाट छुटे लगत्तै मोटरसाइकललाई ठक्कर दिएको यात्रुहरुले बताए । बसको चालकको लापर्बाहीले दुर्घटना भएको प्रहरीको प्रारम्भिक अनुसन्धानले पुष्टि भएको जनाईएको छ ।