काठमाडौं । एसिसी प्रिमियर कप ट्वान्टी–२० क्रिकेटको सेमिफाइनल खेलमा नेपाल युएईसँग पराजित भएको छ।
ओमानमा जारी उक्त प्रतियोगिताको शुक्रबार सम्पन्न सेमिफाइनल खेलमा नेपाल युएईसँग ६ विकेटले पराजित भएको हो।
यो सँगै एसिया कप खेल्ने नेपालको सपना अधुरै भएको छ। टस हारी पहिले ब्याटिङको निम्तो पाएको नेपालले निर्धारित २० ओभरमा नौ विकेट गुमाएर एक सय १९ रन बनाएको थियो। जवाफी ब्याटिङमा ओर्लिएको यूएईले भने १७.२ ओभरमा केवल चार विकेट गुमाउँदै विजय लक्ष्य पुरा गर्यो।