मधेश । महोत्तरी गाँउपालिका १ सोनखडाका ४५ वर्षीय हविव नदाफले आफ्नै श्रीमती ३६ वर्षीया रोशना खातुनलाई हत्या गरेको छ । जिल्ला प्रहरी कार्यालय महोत्तरीले दिएको जानकारी अनुसार हविवले गएराति रोशनालाई कुटपिट गरि हत्या गरेको हो ।
आज बिहान स्थानीयहरूले घटनाको सम्बन्धमा इलाका प्रहरी कार्यालय महोत्तरीमा जानकारी गराएपछि घटना बाहिर आएको हो । स्थानीयहरूका अनुसार गएराति आफ्नी ६ वर्षीया छोरी सानिमासँग सुत्न गएको समयमा हविवले श्रीमती रोशनाको हत्या गरिएको थियो ।
प्रहरी उपरीक्षक नकुल पोखरेलको कमाण्डमा घटनास्थल पुगेका टोलीले स्थलगत मुचुल्का तयार पारी शवलाई पोष्टमार्टमको लागि प्रादेशिक अस्पताल जलेश्वरमा पठाएको जिल्ला प्रहरी कार्यालय महोत्तरीका सूचना अधिकृत प्रहरी निरीक्षक धर्मराज मुडभरीले जानकारी दिए ।