सल्यान । सल्यानमा बेपत्ता रहेकी एक जना महिलाको शव फेला परेको छ। जिल्लाको सिद्धकुमाख गाउँपालिका–४ खार्बाङकी ४९ वर्षीया गणेशी रोका बिहीबार साँझ आफ्नै घरभित्र खाद्यान्न भण्डार गर्ने भकारीमा मृत फेला परेकी हुन्।
जिल्ला प्रहरी कार्यालयका डिएसपी नविन कार्कीका अनुसार रोका असोज १५ गते सोमबार बेपत्ता भएकी थिइन्। उनी हराइरहेको भन्दै परिवारले असोज १७ गते बुधबार प्रहरीलाई खबर गरिएको थियो। तर त्यसको भोलिपल्टै घरमा गन्हाएको भन्ने खबर प्रहरीले पाएको थियो। त्यसपछि घटनास्थलमा प्रहरी पुग्दा भकारीभित्र महिलाको शव फेला परेको थियो। शव फेला परेसँगै प्रहरीले घटना शंकास्पद देखिएको बताएको छ।
पोष्टमर्टम गर्दा पनि घटना शंकास्पद देखिएको छ अहिले कसको संलग्नता हो भन्नेबारेमा पहिचान गर्न प्रहरी अन्तिम चरणमा रहेको डिएसपी कार्की बताए।