दैलेख । दैलेखको गुराँस गाउँपालिका वडा नं. ८ माथिल्लो गर्जाकी २७ वर्षीय पार्वती विसीको मृत्यु भएको छ । उनका श्रीमान कृष्ण बहादुर खड्काले श्रीमतीका हत्या गरेको जिल्ला प्रहरी कार्यालय दैलेखले जनाएको छ ।
उनिहरुबीच सोमबार राती सामान्य बादविवाद भै–झगडा हुँदा श्रीमानले ढोका लगाउने काठको गरालोले टाउकोमा हानी हत्या गरेको प्रारम्भिक जानकारी प्राप्त भएको प्रहरीले जनाएको छ ।
प्रहरीले खड्कालाई नियन्त्रणमा लिई जिल्ला प्रहरी कार्यालय दैलेखको हिरासतमा राखी थप अनुसन्धान भैरहेको जनाएको छ ।