चितवन । काठमाडाैंबाट धनगढीका लागि हिँडेको ना ६ ख ७४६३ नम्बर बसका सहचालक गएराति चितवन नारायणगढ-मुग्लिन सडक खण्डमा चिप्लिएर खाेलामा बेपत्ता भएका छन् ।
कैलाली गाेदावरीका ३५ वर्षीय सहचालक तेजबहादुर बाेहरा राति दुई बजे बसबाट झरेर खाजाका लागि चाउचाउ किन्न गएका बेला साे घटना भएकाे चितवन प्रहरीले जनाएकाे छ ।
खहरे खाेलामा खसेका बाेहराकाे चप्पल केही तल फेला परेकाे चितवन जिल्ला प्रहरी कार्यालयका प्रवक्ता डीएसपी नरहरि अधिकारीले बताए । बाेहराकाे खाेजीका लागि चितवन कुरिनटारमा रहेेकाे सशस्त्र प्रहरीकाे विपद् व्यवस्थापन तालिम शिक्षालयका उद्धारकहरू पनि परिचालन हुने अधिकारीले बताएका छन् ।