सुर्खेत। रुकुम पश्चिममा खोलाले बगाएर बेपत्ता भएका एक पुरूष मृत अवस्थामा भेटिएका छन्।
बाफिकोट गाउँपालिका – १ लागिमका ५७ बर्षीय हृदय गिरी बिहीबार दिउँसो आफ्नो घरतर्फ आउने क्रममा खोला तर्दा बगेर उनी बेपत्ता भएका थिए। जिल्ला प्रहरी कार्यालयका सूचना अधिकारी प्रहरी निरीक्षक धर्मेन्द्र खड्काका अनुसार गिरीको शव शनिबार साँझ पौने ६ बजेतिर फेला परेको हो।
घटनास्थलदेखि झन्डै साढे दुई सय मिटर पर ढुँगाको बीचमा अड्केको अवस्थामा गिरीको शव फेला परेको प्रहरीले जानकारी दिएको छ। शव पोष्टमर्टमको लागि जिल्ला अस्पतालमा लगिएको छ।