सुर्खेत । जाजरकोटमा ३ मिनेटको फरकमा दुई भूकम्प गएका छन् । शुक्रबार राति ८ः०७ मा ५.२ म्याग्निच्युडको भूकम्प गएको ३ मिनेटमै ५.५ म्याग्निच्युडको अर्को भूकम्प गएको हो । भुकम्प कुशे गाउँपालिका पैक केन्द्रबिन्दु भएर गएको राष्ट्रिय भूकम्प मापन तथा अनुसन्धान केन्द्रले जनाएको छ ।
भूकम्पको धक्का सुर्खेत, दैलेख, सल्यान, कालिकोट काठमाडौँ, चितवन तथा बाग्लुङ लगायतका जिल्लामा महसुस गरिएको छ । भूकम्प गएपछि नागरिकहरु सडकमा निस्किएका छन् । हिजो (बिहीबार) साँझ ५ बजेर ४ मिनेटमा दार्चुलामा पनि भूकम्प गएको थियो ।