सुर्खेत। दैलेख बजारमा आज भएको भीषण आगलागी नियन्त्रणमा आएको छ ।
नारायण नगरपालिका–१ स्थित मोटरसाइकल ग्यारेजबाट भएको उक्त आगलागि अहिले करिब करिब नियन्त्रणमा आएको जिल्ला प्रहरी कार्यालय दैलेखका प्रमुख एवं प्रहरी नायब उपरीक्षक सुनिल दाहालले जानकारी दिए ।
उनले भने, “आगलागिबाट एउटा फेन्सी पसल र मोटरसाइकल ग्यारेज पूर्ण रुपमा क्षती भएको छ, क्षतीको विवरण संकलन हुँदैछ ।”
नेपाली सेना, नेपाल प्रहरी, सशस्त्र प्रहरी, दमकल तथा स्थानीयबासीको सहयोगमा आगो नियन्त्रणमा आएको प्रहरी नायब उपरीक्षक दाहालले बताए । आगलागिको कारण भने नखुलेको प्रहरीले जनाएको छ ।