सुर्खेत । रुकुमपश्चिमबाट काठमाडौँ जाँदै गरेको बस बागलुङको निसीखोलामा सोमबार साँझ दुर्घटना हुँदा ७ जनाको मृत्यु भएको छ ।
रुकुम पश्चिमबाट काठमाडौंका लागि हिँडेको बागमती प्रदेश ०१–००६ ख ३८७९ नम्बरको बस बागलुङको निसीखोला गाउँपालिका–६ जाउलेपानीमा दुर्घटना भएको हो ।
दुर्घटनामा ७ जना यात्रुको घटनास्थलमै मृत्यु भएको इलाका प्रहरी कार्यालय बुर्तिबाङका प्रहरी निरीक्षक राजकुमार विकले जानकारी दिए । उनले दुर्घटनामा २० जनाभन्दा बढी घाइते भएको बताए । घाइतेहरूको प्रहरी र स्थानीयले उद्धार गरी उपचारका लागि प्राथमिक स्वास्थ्य केन्द्र बुर्तिबाङ पठाइएको प्रहरी निरीक्षक विकले जानकारी दिए ।
इलाका प्रहरी कार्यालय बुर्तिबाङका प्रहरी प्रमुख प्रहरी निरीक्षक राजकुमार विकका अनुसार बस सडकबाट करिब ३ सय मिटर तल खसेको छ । गाडीमा ३२ जना यात्रु थिए । मृतक र घाइतेहरूको नाम खुल्न सकेको छैन । घटनाको थप विवरण आउन बाँकी छ ।