सुर्खेत । नेकपा एमाले कर्णाली प्रदेश कमिटीको मतगणनामा अध्यक्षका उम्मेदवार गुलाबजङ्ग शाहले अग्रता कायमै राखेका छन् । २०० मत गणना गर्दा शाहले १२१ मत प्राप्त गरी अग्रता कायमै राखेका हुन् ।
अध्यक्षका अर्का उम्मेदवार मीनबहादुर शाहीले भने ६५ मत पाएका छन् । त्यस्तै उपाध्यक्षका उम्मेदवार टेकराज पछाइले १०८ मतसहित अग्रता लिइरहेका छन् भने उपाध्यक्षका अर्का उम्मेदवार लाल बहादुर महतराले ५९ मत पाएका छन् ।
त्यसैगरी सचिव पदका उम्मेदवार ध्रुव शाहीले १३७ मतसहित अग्रता लिइरहेका छन् भने सचिवका अर्का उम्मेदवार रुद्र शाहीले ५१ मत पाएका छन् । एमाले कर्णाली अधिवेशन अन्तर्गत आइतबार भएको मतदानको सोमबार मतगणना भएको हो ।