सुर्खेत। पूर्व–पश्चिम राजमार्ग अन्तर्गत दाङको लमहीमा यात्रुवाहक बस दुर्घटना हुँदा १४ जना घाइते भएका छन् ।
पोखराबाट सुर्खेत आउदै गरेको ग १ ख ८४८५ नम्बरको बस आज बिहान लमही नगरपालिका ४ वनगाउँमा पल्टिँदा चालकसहित १४ यात्रु घाइते भएको जिल्ला प्रहरीले जानकारी दिएको छ । बस अनियन्त्रित भइ सडकदेखि १० मिटर तल खसेको छ ।
घाइतेहरूको लमही अस्पतालमा उपचार भइरहेको जिल्ला प्रहरी प्रवक्ता डिएसपी जनकबहादुर मल्लले बताए । बसका चालक रामेछाप सुनपति गाउँपालिका–३ का ३३ वर्षीय रामकृष्ण खड्कालाई प्रहरीले नियन्त्रणमा लिएको छ ।