सुर्खेत। नेकपा एमालेको कर्णाली प्रदेश कमिटी चयनका लागि मतदान सुरु भएको छ।
शुक्रबार प्रकाशित निर्वाचन कार्यतालिका अनुसार शनिबार दिउँसो १२ बजे मतदानको समय तोकिएको थियो। शनिबारदेखि पाँच पटकसम्म मतदानको समय सरेको थियो।
अन्तिम पटक आइतबार दिउँसो १ बजेका लागि तोकिएको मतदान केही समय ढिला गरी सुरु भएको निर्वाचन कमिटीले जनाएकाे छ।
बुधबारदेखि सुरु भएको अधिवेशनकाे शुक्रबार बन्द सत्र भएको थियो। नेतृत्व चयनका लागि सहमतिको प्रयास सफल नभएपछि निर्वाचन घोषणा गरिएको थियो।
एमाले कर्णाली प्रदेश अधिवेशनमा विभिन्न जिल्ला र मोर्चा संगठनबाट ६०४ जना अधिवेशन प्रतिनिधि सहभागी छन्।