सुर्खेत । नेकपा एमाले कर्णाली प्रदेशकाे अध्यक्षका लागि चार जनाकाे उम्मेदवारी दर्ता भएकाे छ। निर्वाचन कमिटीका अनुसार अध्यक्षमा गुलावजंग शाह, मीनबहादुर शाही, राजबहादुर शाही र प्रेमबहादुर सिंहले उम्मेदवारी दर्ता गराएका हुन्।
एमाले कर्णाली प्रदेशको नयाँ नेतृत्वका लागि उम्मेदवारी दर्ता जारी छ । निर्वाचन कार्यतालिका अनुसार ७ः३० बजेसम्म उम्मेदवारी दर्ताकाे समय छ।
सर्वसहमतिले नेतृत्व चुन्ने पार्टी नेताहरूकाे प्रयास असफल भएपछि निर्वाचन प्रकृयामा उम्मेदवारी दर्ता गरेका हुन्।
शनिबार विहानदेखि मतदान सुरू हुने निर्वाचन कार्यतालिका छ।
याे अधिवेशनमा भाग लिने ६०४ प्रतिनिधिले १३५ सदस्यीय कमिटी निर्वाचित गर्नेछन् ।