मुगु । मुगु जिल्लाको सदरमुकाम गमगढी बजारमा भीषण आगलागी हुँदा ८ घर जलेर पूर्णरूपले क्षति भएका छन् । शुक्रवार राति करिब १२ बजेबाट सुरु भएको आगलागीका कारण ८ घर पूर्ण रूपले जलेर क्षति भएका हुन् ।
जलेका घरमा कम्प्युटर पसल, मोबाइल पसल, होटेल, सैलुन, ग्याँस सिलिन्डर गरी ९ वटा पसल सञ्चालनमा थिए । तार्के लामा, सोनाम लामा, जङ ऐडी, सान्तोना खत्री, पन्च सेजुवाल, पिआर मल्ल, प्रदीप रावल र पुतली शाहीको घर पूर्ण रूपमा जलेको जिल्ला प्रहरी कार्यालय मुगुका डिएसपी एवम् प्रहरी नायव उपरीक्षक वीरेन्द्र थापाले जानकारी दिए ।
त्यसै गरी उक्त घरमा सञ्चालित महम्म्त साकिर कवडिया, साजन सल्मानी, शेरबहादुर मल्ल, रुपदेवी बुढा, उद्दिम भाम, पिआर मल्ल, लक्ष्मी मल्ल, नरेश शाही र पूर्णा लक्ष्मी मल्लको पसलमा पनि पूर्ण क्षति पुगेको छ ।