सुर्खेत । नेकपा एमाले कर्णाली प्रदेश संसदीय दलको नेतमा यामलाल कँडेल चयन भएका छन्। नेकपा एमाले कर्णाली प्रदेशको बुधबार बसेकाे बैठकले कँडेललाई दलको नेतामा सर्वसम्मत चयन गरेको हो।
कँडेल सुर्खेत निर्वाचन क्षेत्र नम्बर–२ प्रदेश सभा (१) बाट प्रदेश सभा निर्वाचित भएका हुन्।
कँडेल २०७४ को निर्वाचनपछि पनि प्रदेश सभा संसदीय दलकाे नेता थिए । कँडेल नेकपा एमाले स्थायी कमिटी सदस्य तथा कर्णाली प्रदेश इन्चार्ज समेत हुन्।
यस्तै, एमाले संसदीय दलको नेताका लागि एमाले कर्णाली प्रदेश अध्यक्ष विनोदकुमार शाहको पनि दाबी थियो।