सुर्खेत। जाजरकोटमा जीप दुर्घटनामा परेको छ। जीप दुर्घटनामा परी ८ जनाकाे मृत्यु भएकाे छ भने २ जना घाइते भएकाे जिल्ला प्रहरी कार्यालय जाजरकाेटले जनाएकाे छ।
प्रहरीका अनुसार मृतककाे सनाखत हुने सकेकाे छैन भने जीपमा सवार कति जना थिए भन्ने एकिन हुन बाँकी छ।
सोमबार दिउँसो ४ बजेतिर कर्णाली प्रदेश ०२००१ च ०४२९ नम्बरको जीप दुर्घटनामा परेको हो। छेडागाड नगरपालिका–५ भीरपाटीमा दुर्घटना भएको प्रहरीले जनाएको छ।
प्रहरी कार्यालयका अनुसार छेडागाड–५ को वडावनदेखि वडा नम्बर ४ दशेर जाँदै गरेको जीप सडकदेखि २०० मिटर तल खसेको छ।