सुर्खेत। कलाकार निर्मल प्याकुरेलको सांगीतिक कोसेली मनको पीडा सार्वजनिक गरिएको छ । शनिवार आयोजित कार्यक्रममा सुर्खेतका अग्रज कलाकार तथा पत्रकारहरुको उपस्थितिमा सो म्युजिक भिडियो सार्वजनिक गरिएको हो ।
घरमा रहेका ज्येष्ठ नागरिक घरमा बस्न नसकेर आश्रममा किन जान्छन् भन्ने सन्देश सो भिडियोले दिएको छ । कार्यक्रममा बरिष्ठ कलाकार गंगा केसी, भीमबहादुर कार्की, कूलमान नेपालीले सो गीतले प्रत्येक घरको कथा भनेकोले उत्कृष्ट रहेको प्रतिक्रिया दिए ।
सो अवसरमा कलाकारहरु उमालाल आचार्य, हरि विष्ट, केशव ढकाल, माया थापा, सुर्खेत काँक्रेविहार यातायात समितिका अध्यक्ष रमेश सापकोटालगायतले गीतले सवैको मन जित्ने विश्वास गरे ।
कथा र निर्देशक निर्मल प्याकुरेल रहेको सो भिडियोमा नेपाली चलचित्रका नायक धिरेन शाक्य, विन्दा खतिवडा, कुमार कार्की, प्रेमदेव गिरी, यमन आचार्य, हरि ढकाल र कृपा प्याकुरेलले अभिनय गरेका छन् ।
स्वरुपराज आचार्यको स्वर रहेको सो गीतको एरेन्जर झलक संगीतम, शव्द कुमार कार्की, संगीत यज्ञ गिरी, छायांकन अर्जुन सापकोटा र पटकथा चन्द्र मन्दिरको रहेको छ ।
