सुर्खेत । सल्यानमा धारिलो हतियार प्रहार गरी श्रीमानले श्रीमतीको हत्या गरेका छन् ।
आइतवार बिहान ६ बजेको समयमा वनगाड कुपिण्डे नगरपालिका–४ देउलीका अन्दाजी ३४ वर्षका मनोज वुढाले ३२ वर्षकी कमला वुढाको धारिलो हतियार प्रहार गरी हत्या गरेको जिल्ला प्रहरी कार्यालय सल्यानले जनाएको छ ।
श्रीमतीको हत्यापछि श्रीमानले पनि घर पछाडी दलिनमा झुन्डिएर आत्माहत्या गरेको जिल्ला प्रहरी कार्यालय सल्यानका सुचना अधिकारी भवानीप्रसाद धमलाले जानकारी दिए । उनले आफुहरु घटनास्थलमा जाँदै गरेकाले थप विवरण आउन बाँकी रहेको बताए ।