सुर्खेत । रुकुम पश्चिमकाे बाँफिकोट गाउँपालिका–१ लागिमका ५७ वर्षीय हृदय गिरि खोला तर्ने क्रममा बेपत्ता भएका छन् । आज दिउँसो १ बजेतिर वडा नं. १ र २ को सिमानामा पर्ने पुमा खोला तर्ने क्रममा खोलाले बगाइ उनी बेपत्ता भएको प्रहरीले जनाएको छ ।
जिल्ला प्रहरी कार्यालयका सूचना अधिकारी प्रहरी निरीक्षक धर्मेन्द्रै खड्काका अनुसार वडा नं. २ पिपलबाट वडा नं. २ लागिमस्थित आफ्नो घरतर्फ आउने क्रममा खोला तर्दा बगेर उनी बेपत्ता भएका हुन् । बेपत्ता गिरिको खोजी कार्य जारी रहेको प्रहरीको भनाइ छ ।