सुर्खेत । डा. महेन्द्रकुमार मल्लद्वारा रचना गरिएको ‘सरगम’ गजल गीत लोकार्पण भएको छ । वीरेन्द्रनगरमा मंगलबार (आज) एक औपचारिक कार्यक्रम आयोजना गरी गजल गीत लोर्कापण गरिएको हो ।
मायाभाव प्रकट गरिएको गजल गीतमा बिछोडलाई दर्शाइएको छ । यसमा ‘ईनडोर’ छायांकन गरिएको छ ।

डा. मल्लद्वारा लेखिएको उक्त गजल गीतमा शिवसंगितले स्वर दिएका छन् ।
साहित्यकार सुशीलराज शर्माकाे सभापतित्व र कर्णाली प्रदेशका पूर्व मुख्यमन्त्री एवंम् हाल नेपाली कांग्रेस संसदीय दलका नेता जीवन बहादुर शाहीको प्रमुख आथित्यतामा गजल गीत लोकार्पण गरिएको थियो ।
कार्यक्रममा बोल्दै शाहीले गीत संगित जगतले बोल्ने कुरा भएकोले अब कर्णाली पनि गीत संगीतको हब बन्नुपर्ने धारणा व्यक्त गरे ।
उनले गजल गीतमा सन्देश प्रवाह गर्न खोजिएकोले उत्कृष्ट भएको प्रतिक्रिया दिए ।