काठमाडौं। करको दर निर्धारणमा अनधिकृत व्यक्तिको प्रवेश गरेको नदेखिएको संसदीय विशेष समितिले निष्कर्ष निकालेको छ। समितिका जेष्ठ सदस्य लक्ष्मणलाल कर्णले प्रतिनिधि सभाको शुक्रबार बसेको बैठकमा पेश गरेकाे प्रतिवेदनमा अनधिकृत व्यक्तिको प्रवेश गरेको नदेखिएको उल्लेख छ।
‘हालसम्म समितिले गरेका छानबिन र संकलन गरेका प्रमाणका आधरामा करका दर निर्धारणमा अनधिकृत व्यक्ति प्रवेश गरेको देखिएन।’ प्रतिवेदनमा उल्लेख गरिएकाे छ।
अर्थ मन्त्रालयबाट प्राप्त जवाफ, कागजात, प्राप्त भएको सीसीटीभी फुटेजको अध्ययन गरेको समितिले करका दर हेरफेरमा अनधिकृत व्यक्तिको प्रभावको प्रसंग सादर्भिक नरहेको बताएकाे छ।
‘करको दरले अर्थतन्त्रमा परेको प्रभावहरुको नियमित अध्ययनले संसदको सम्बन्धित विषयगत समितिले नै गर्ने हुँदा त्यसतर्फ यस समितिले थप केही गर्नुपर्ने देखिएन।’ प्रतिवेदनमा भनिएको छ।
पूर्णपाठः
