लुम्बिनी। पाल्पामा बस दुर्घटना हुँदा कम्तीमा ६ जनाकाे मृत्यु भएकाे छ। लुम्बिनी प्रदेश ट्राफिक प्रहरी कार्यालय बुटवलका अनुसार गुल्मीबाट बुटवलतर्फ जाँदै गरेको लु १ ख ५९५२ नम्बरको बस पाल्पाको लघुवामा दुर्घटना भएकाे हाे।
घटनास्थलमा रहेका रिब्दिकोट गाउँपालिका-२ का वडाध्यक्ष ओमप्रसाद पोखरेलका अनुसार अहिलेसम्म ६ जनाको शव फेला परेको छ। १७ जना घाइतेलाई उद्धार गरी तानसेन पठाइएकाे छ भने अन्य विवरण आउन बाँकी छ।
बस सडकबाट डेढ सय मिटर तल खसेको छ। मृतक र घाइतेको संख्या अझै बढ्न सक्ने छ ।