दैलेख । जिल्ला समन्वय समिति दैलेखको प्रमुखमा नेपाली कांग्रेसका बागी उम्मेदवार नमराज शाही विजयी भएका छन् । कांग्रेसका जिल्ला उपसभापतिसमेत रहेका शाहीलाई नेकपा एमालेले निर्वाचनमा सघाएको थियो ।
एमालेसँग दश मतमात्रै भए पनि शाहीले १३ मत ल्याएर विजयी भएका हुन् । गठबन्धनको तर्फबाट नेपाली कांग्रेसकी दुर्गा श्रेष्ठले जम्मा नौ मत पाएकी छन् ।
यस्तै, उपप्रमुखमा एमालेका केशवबहादुर शाही ११ मत ल्याएर विजयी भएका छन् । उपप्रमुखमा नेकपा एकीकृत समाजवादीकी शान्ति शाहीले १० मत प्राप्त गरेकी छन् । अन्य सदस्यहरूमा भने मिश्रित नतिजा आएको मुख्य निर्वाचन अधिकृत दण्डपाणि लामिछानेले बताए ।