सुर्खेत । मोटरसाइकल र टिप्पर एकआपसमा दुर्घटना हुँदा एक किशोरीको मृत्यु भएको छ । लेकवेसी नगरपालिका ५ स्थायी घर भएकी १८ वर्षिय लक्ष्मी पुलामीको मृत्यु भएको हो ।
भे १ ख ३१०२ नम्बरको टिप्पर र भे ७ प १७९९ नम्बरको मोटरसाइकल वीरेन्द्रनगरको धुलियाविटस्थित रत्नराजमार्गमा शनिबार करिब १२ बजे दुर्घटना भएको जिल्ला टाफिक प्रहरी कार्यालय सुर्खेतले जनाएको छ ।
एउटै दिशातर्फ गैरहेका टिप्पर र मोटरसाइकल दुर्घटना भै माेटरसाइकलमा सवार पुलामीको मृत्यु भएको टाफिक प्रहरी कार्यालय सुर्खेतका प्रमुख प्रहरी निरीक्षक उपेन्द्र आचार्यले जानकारी दिए ।
आचार्यका अनुसार मोटरसाइकल चालक घाइते भएका छन् । मोटरसाइकल चालकको परिचय खुल्न सकेको छैन ।
यस्तै, दुर्घटना भएको टिप्पर, टिप्पर चालक र मोटरसाइकल प्रहरीले नियन्त्रणमा लिइसकेको छ ।